ენდუია შეზავებულია: ახალი ცხარე წიწაკით, გამხმარი ცხარე წიწაკით და პაპრიკით („ბულგარული წიწაკა“) ენდუია ღორის ხორცისგან მზადდება. ვატარებთ ზურგის ნაჭრის ცხიმს და ვაზავებთ ბეჭის ნაჭრის ხორცთან, 80% (ცხიმი) / 20% (ხორცი) პროპორციით. მიღებულ მასას ვანაწილებთ და ვანელებთ მარილით, ახალი წიწაკით, შებოლილი ცხარე პაპრიკით, ჩილის (ცხარე წიწაკა) პუდრით და ჩილის ფანტელებით. ამ მდგომარეობაში ხორცს მთელი ღამის განმავლობაში ვაჩერებთ, რათა ფერმენტაციის პროცესები დაიწყოს. მეორე დღეს, მიღებულ მასას ძროხის ნაწილავისგან დამზადებულ დიდი ზომის სასოსისე გარსაცმებში ვათავსებთ და დუღილის (ფერმენტაციის) გასაგრძელებლად, 72 საათის განმავლობაში, 22-გრადუსიან ტემპერატურაზე ვკიდებთ.

შემდეგ ეტაპზე, პროდუქტი 12-გრადუსიან ტემპერატურაზე ინახება, სამიდან ექვს თვემდე, საჭიროებისამებრ.

ენდუია პიკანტური არომატის მქონე, კრემოვანი სტრუქტურის სალიამია, ხასიათდება ცხარე საგემოვნო თვისებებით. საუკეთესოა პასტას სოუსის ან პიცის მოსამზადებლად, ასევე, შეგიძლიათ, ცხელ ტოსტს გადაუსვათ და ისე მიირთვათ.

ყიდვა

                    ყიდვა                                                   close
                    ყიდვა                                                   arrow_forward
პროდუქტები
ჩვენ შესახებ EN